Che noss glatschers lieuan, è in signal d’alarm! Nus stuain franar da cuminanza il stgaudament climatic, uschiglio patescha nossa basa da viver donns irreversibels.Cun l’Iniziativa per ils glatschers vulain nus metter fin a l’era da l’energia fossila. Quai è la suletta pussaivladad da reducir cumplainamain las emissiuns da gas da serra. L’iniziativa vul francar en la constituziun las finamiras da la cunvegna da Paris davart il clima ed intenda da metter la Svizra sin ina buna via pertutgant il clima.
