Da cuminanza per in avegnir degn da viver.

Adina dapli glieud en Svizra sa pronunzia en favur da la protecziun effizienta dal clima. Igl è dentant blers che han difficultads da s’imaginar, tge che la reducziun dals gas da serra a netto nulla signifitgass per lur vita quotidiana. Cun la «Plattafurma netto nulla» (en tudestg e franzos) envida l’Uniun svizra per la protecziun dal clima ad in viadi en il futur da la Svizra, numnadamain en l’onn 2050 e preschenta ina visiun fundada scientificamain da l’avegnir climaticamain neutral.